Tíminn flýgur

Nú er nánast komið að stóru stundinni - þetta fer allt að bresta á!

• Gleðin hefst hjá Bryndísi (Norðurbyggð 1b) laugardaginn 14. júní kl. 18.30 (STUNDVÍSLEGA AÐ SJÁLFSÖGÐU)
• Við ætlum að byrja á því að fá okkur smá fordrykk
• Síðan eða um kl. 19.00 fá þeir sem vilja svör við því helsta sem þá fýsir að vita um framtíð sína (ja eða um óorðna tíma) því þá tekur við stutt spádómsstund.
• Að spádómum loknum ætlum við að fara að huga að föstu fæðunni. Það verður tælenskt yfirbragð á henni og ætlum við hér með að biðja ykkur að hafa haldbærar 1500 krónur í reiðufé til að greiða fyrir hana. Þeir sem vilja mega líka taka með 2 eða 3 hundraðkalla í viðbót vegna kostnaðar í sambandi við kaup á ýmsu s.s. pappadiskum, hnífapörum, glösum o.þ.h. Þetta á nefnilega ekki að vera mjög vistvæn veisla þar sem prestfrúin er að fara að halda stúdentsveislu daginn eftir og við græjum svæðið á no time áður en við yfirgefum það. Hún ætlaði þó ekki að biðja okkur um að skúra (held að hún ætli að semja við æðri máttarvöld um það:) Athugið í sambandi við 1500 krónurnar, þá væri gott ef þið væruð með þetta nokkuð ákkúrat:).
• Framhaldið ræðst svo bara eftir því sem líða tekur á kvöldið - og ef einhver hefur eitthvað sniðugt upp í erminni þá endilega að hrista það fram úr henni.

Ath. að gos fylgir matnum en annan vökva þurfið þið að bera með ykkur (nema fordrykkinn:)

Vinsamlegast látið mig vita ef þið ætlið ekki að borða með okkur

Hittumst þá á tröppunum hjá Bryndísi kl. 18.30:)
Bestu kveðjur
Anna Stína